‘Lideri kolumbian i Paqes’ zgjat armëpushimin deri në fund të vitit

Presidenti kolumbian, Juan Manuel Santos zgjati sot armëpushimin me grupin gueril,  FARC deri në fund të dhjetorit, në një përpjekje për të arritur një marrëveshje përfundimtare paqeje.

Në një fjalim televiziv, Santos tha se “data e re nuk ishte një ultimatum apo afat për një marrëveshje gjithëpërfshirëse të mirëpritur nga të gjithë sektorët e politikës dhe shoqërisë kolumbiane”.

“Megjithatë, dialogu nuk mund të zgjatet pafundësisht duke qenë se koha komploton kundër paqes dhe jetës”, deklaroi  ai.

Në fillim të tetorit, kolumbianët çuditërisht votuan kundër marrëveshjes së propozuar në një referendum duke hedhur të ardhmen e procesit të paqes në dyshim.

Marrëveshja e nënshkruar nga presidenti kolumbian, Santos dhe lideri i Forcava të Armatosura Revolucionare të Kolumbisë (FARC), Rodrigo Londono më 26 shtator u bë për dhënien fund të luftës në Kolumbi, pesë dekadash me grupin rebel.