Lirohen 21 vajzat e Chibok-ut, që u rrëmbyen nga militantët e Boko Haram-it në vitin 2014

Njëzet e një vajzat e reja të qytetit Chibok të rrëmbyera dy vite më parë nga grupi militant Boko Haram, janë liruar sot, njofton një zyrtar qeveritar i Nigerisë.

Raportohet se ato janë tani bashkë me shërbimet e sigurisë në qytetin verilindor, Maiduguri, transmeton Express.

Nuk është e qartë se si janë liruar vajzat.

Grupi militant islamik, Boko Haram, i rrëmbeu më shumë se 250 nxënëse nga një shkollë në Chibok në prill të vitit 2014 – një akt ky që ka nxitur dënim ndërkombëtar./Express/