LSI i bën “puç” Ramës në Gjirokastër, çfarë po ndodh brenda koalicionit?

Partia Socialiste dhe Lëvizja Socialiste për Integrim duket se do ta kenë shumë të vështirë që në zgjedhjet parlamentare të qershorit 2017, të dalin në një koalicionit të përbashkët.

Jo vetëm debati mes ministrave të dy partive të majta, por edhe shmangia e kryetarëve të bashkive që drejtohen nga LSI, tregon hendekun e madh mes tyre.

Gjatë vizitës së fundit të Kryeministri, Edi Rama në Gjirokastër ai është “braktisur” nga kryetarja e bashkisë, Zamira Rami.

Jo vetëm kaq, por as deputeti i LSI-së, Vangjel Tavo nuk është para në krah të Ramës.

I pyetur për marrëdhëniet me LSI, Rama u shpreh: “Ne kemi punën tonë, LSI-ja është në punën e saj. Jemi dy parti të një aleance dhe terreni është kaq i madh, saqë jo vetëm ka vend për t’u rritur së bashku, por ka edhe nevojë për t’u rritur së bashku”.

Diferencat mes LSI dhe PS u panë dhe në mbledhjen e sotme të ministrave të qeverisë “Rama”, pa 5 ministrat e Metës.

Së fundmi, LSI ka ndryshuar qëndrim dhe për ligjin e importit të mbetjeve që do ta bënte të pamundur rrëzimin e dekretit të Presidentit pa votat e tyre në Parlament./panorama