Lu i përgjigjet Bashës: Ja në çfarë partie rrezikoni të ktheheni

Ambasadori amerikan, Donald Lu, ka reaguar ndaj dërgimit të “Vettingut” në Gjykatën Kushtetuese nga PD. Në lidhje me këtë, Lu është shprehur se është e drejtë kushtetuese e PD të ankimojë ligjin. Por, sipas tij, PD rrezikon të bëhet ajo parti që populli shqiptar beson se është kundër Reformës në Drejtësi.

“Është e drejta kushtetuese e opozitës ta ankimojë ligjin e vetting në Gjykatën Kushtetuese. I kemi thënë udhëheqjes së Partisë Demokratike se rrezikojnë të bëhen ajo parti që populli shqiptar beson se është kundër kësaj reforme dhe se po mbron gjyqtarët dhe prokurorët e korruptuar, ose gjyqtarë e prokurorë tek të cilët kanë ndikim politik.

Kujtoj deklaratën e bërë nga Presidenti Nishani, i cili tha në një intervistë se edhe pse nuk i pëlqen disa nga nenet e Ligjit të Vetting, as ai dhe as ekspertët e tij ligjorë nuk mund të gjejnë diçka jokushtuetuese në ligj. Ne, Shtetet e Bashkuara, iu bëjmë thirrje të gjitha partive politike në Shqipëri të vazhdojnë të kërkojnë zbatimin e plotë dhe të shpejtë të reformës në drejtësi”.