Lufta pa mbarim: 15 vjet që nga fillimi i luftës në Afganistan

Trupat amerikanë sulmuan Afganistanin më 7 tetor të vitit 2001, më pak se një muaj pas 9 shtatorit, kur ndodhi sulmi terrorist në Nju Jork dhe Uashington. Nga kjo shihet se një fitore e shpejtë e talibanëve u kthye në një luftë të përgjakshme dhe guerile, e cila vazhdon edhe sot.
Presidenti George W. Bush akuzoi rrjetin e Osama Bin Laden për kurdisjen e një aeroplani civil, për t’i goditur Kullat Binjake dhe Pentagonin, shkruan RT, transmeton Gazeta Express.

Me ndihmën e avionëve dhe trupave amerikanë, komandantët nga Aleanca Veriore larguan forcat talibane nga qytetet e mëdha dhe morën kryeqytetin e Afganistanit, Kabulin, nga mesi i nëntorit. Qeveria e re ka qenë stabile me Hamid Karzain president, i cili përkrahej nga SHBA. Aleanca e NATO-s i kishte dhënë legjitimitet përpjekjeve të Shteteve të Bashkuara të Amerikës për ristrukturimin e Afganistanit dhe kishte dërguar trupa ushtarakë për t’i përkrahur.

Në fillim operacioni i SHBA-së ishte quajtur “Drejtësi e pafundme”, i cili shumë shpejt u kthye në “Liri e Qëndrueshme”, nga frika e ofendimit të bindjeve fetare të afganëve. Kjo e fundit ka qenë shprehje ogurzi, sepse Uashingtoni dhe forcat e tij nuk kanë mundur asnjëherë të largohen nga Afganistani.

Edhe pse ish-presidenti George E. Bush nisi luftën në Afganistan, presidenti Barack Obama ishte ai, i cili kishte për qëllim përfundimin e saj. 15 vjet pas ndërhyrjes në Afganistan gjenden më pak se nëntë mijë trupa, nga 200 mijë sa ishin në vitin 2001./ Gazetaexpress