Luiza Gega fiton maratonën e Tiranës, në vend të tretë një politikane

Ka përfunduar maratona e Tiranës dhe janë shpallur fituesit.

Në garën 21 kilometra, fituese për femrat është shpallur kampionia, sportistja profesioniste, Luiza Gega e cila e përfundoi vrapimin për 1 orë e 22 minuta. Në vend të dytë renditet Besiana Gega dhe në vend të tretë, politikania nga Kosova, kryetarja e Komunës Gjakovë, Mimoza Kusari Lila.

Ndërsa për meshkuj (gara 21 km) vë vend të parë Ilir Kellezi nga sport-klub Skenderbeu, në vend të dytë, Tiron Mamusha dhe në vend të tretë Besim Ismaili.

Ndërsa në garën 10 km, në vend të parë për meshkuj është Bledar Mesi, në vend të dytë Malvin Nikolla nga sport-klub Tirana dhe në vend të tretë Kledis Malo. Ndërsa për femra; Deborah Keçi në vend të parë, Anduela Nika në vend të dytë, Eglantina Shemaj në vend të tretë.

lista-bashkia-425x450