Lum droge nga Shqipëria për në Itali, kapet skafi me 700 kg kanabis. Dy vlonjatë në pranga

Vazhdon pa ndërprerje trafiku i drogës nga Shqipëria në Itali.

Edhe pse për autoritetet shqiptare në vendin tonë nuk ka më kanabis, mëngjesin e sotëm Guardia di Financa e Salentos ka bllokuar një gomone me më shumë se 700 kilogramë kanabis sativa, ndërsa në pranga janë vënë dy skafistët shqiptarë nga Vlora.

Mësohet se dy skafistët kanë tentuar që të arratisen, por janë kapur nga motovedetat e Guardia di Financës. Pas arrestimit ata janë dërguar në ambientet e kazermës së Leçes, ku do të merren në pyetje.

Bëhet e ditur se detaje më të shumta në lidhje me këtë aksion do të jepen në një konferencë për median.