Lushnjë, 56-vjeçari kapet me 224 kg kanabis në banesë

Një sasi prej 224 kg lëndë narkotike kanabis sativa është sekuestruar nga policia në Lushnjë.

Në kuadër të operacionit të koduar “Zhame” është arrestuar poseduesi i sasisë së drogës, shtetasi Sami Ibaliu, 56-vjeç, banues në fshatin Zhamë.
Policia i ka sekuestruar atij edhe një armë gjahu pa leje.

“Operacioni u zhvillua në banesën e shtetasit Sami Ibaliu, 56 vjeç, banuas në fshatin Zhamë, Lushnjë. Gjatë operacionit nga kontrolli i ushtruar në banesën e tij u gjetën dhe u sekuestruan në cilësinë e provave materiale, 224 kg lëndë narkotike e dyshuar Cannabis Sattiva. – 1 armë gjahu pa leje. – 153 fishekë të kalibrit 7.62mm. – 10 fishekë pistoletë”, sqaron policia.

Ndaj personit të mësipërm u mor masa e arrestit në flagrancë për veprat penale “Prodhimi dhe shitja e lëndëve narkotike” dhe “Prodhimi dhe mbajtja pa leje e armëve dhe municionit luftarak”.