Mahrez: Kjo është e vërteta për transferimin e mundshëm te Arsenali

Mahrez e ka pranuar se Arsenali ka tentuar ta transferojë gjatë verës
Sulmuesi i Leicester City, Riyad Mahrez, ka bërë të ditur se Arsenali është munduar që ta transferojë atë gjatë verës, por kampionët e Premierligës refuzuan që ta shesin atë – derisa vetë Mahrez nuk insistoi për një lëvizje të tillë, përcjell Gazeta Express.

“Ka pasur kontakte me Arsenalin”, tha fillimisht ai për ‘Canal Football Club’. “Por, Leicesteri dëshironte të më mbante dhe se kam qenë shumë i shtrenjtë”, shtoi ai.

“Kur oferta erdhi, unë nuk fola pasi nuk doja që të krijoja konflikte dhe vendosa që të qëndrojë”, përfundoi Mahrez.