Makina përplas për vdekje një 50-vjeçar në Durrës

Një 50-vjeçar ka humbur jetën mbrëmjen e sotme në Durrës, pasi u përplas nga një automjet. Burime zyrtare nga policia e Durrësit bëjnë të ditur se aksidenti ka ndodhur në rrugën e vjetër Plepa- Ndroq, në afërsi të Romanatit, ku mjeti tip ‘Golf’ ma targa AA 456 LK ka përplasur për vdekje 50-vjeçarin me iniciale B.T.

Sipas policisë, në momentin e aksidentit makina tip ‘Golf’ me drejtues shtetasin L.R. ka qenë duke tërhequr mjetin tip ‘Audi’ me targa AA 924 GS, me drejtues shtetasin E.D.
Të dy drejtuesit e mjeteve janë shoqëruar në komisariatin e Durrësit.

Ndërkohë policia po punon për të zbardhur ngjarjen e rëndë.