Makinat molekulare fitojnë Çmimin Nobel në Kimi

Çmimi Nobel 2016 për Kimi është dhënë për prodhimin e makinerive më të vogla në botë, ato molekulare.

Jean-Pierre Sauvage, Sir J Fraser Stoddart dhe Bernard L Feringa do të ndajnë 727 000 dollarë për projektimin dhe sintezën e makinave në një shkallë molekulare.

Ata janë shpallur fitues në një konferencë shtypi në Suedi.

Makineritë molekulare do të përdoren në zhvillimin e ibjekteve si materialet e reja, sensorë dhe sisteme të grumbullimit të energjisë”.

Jean-Pierre Sauvage ka lindur në vitin 1944 në Paris, Francë. Ai është aktualisht profesor i merituar në Universitetin e Strasburgut dhe drejtori i kërkimeve në Qendrën Kombëtare Franceze për Kërkime Shkencore (CNRS).

Sir Fraser Stoddart u lind në vitin 1942 në Edinburg, Britani e Madhe. Ai aktualisht ështe profesor ne “Northwestern University”, në SHBA.

Bernard L. Feringa lindur në vitin 1951 në Barger-Compascuum, Holandë. Ai është profesor i kimisë organike në Universitetin e Groningen, Holandë.