Martesa e rremë e shqiptares për të punuar si prostitutë në Itali, 2 urdhër-arreste

Një urdhër arresti, e dhënë nga gjykata e Firences në Itali, është ekzekutuar orët e para të mëngjesit të sotëm nga policia vendase ndaj një 47-vjeçari italian, ndërsa një shqiptar është në kërkim, raportojnë sot mediat lokale, shkruan Syri.net.

Të dy akuzohen se në bashkëpunim kanë konsumuar veprën penale: favorizim dhe shfrytëzim prostitucioni në dëm të një të reje shqiptare.

Ata janë konsideruar përgjegjës se kanë vënë në dispozicion të vajzës ambientet e një hoteli ku ajo të prostituonte, dhe e kanë shoqëruar, gjithmonë për të prostituuar, në rrugë dhe në hotel, duke kontrolluar aktivitetin e saj dhe të ardhurat që fitonte.

Dyshohet se e reja ka bërë një “martesë të rremë” me një italian, me qëllim që fitojë dokumentet e qëndrimit në Itali. Dhe, sipas hetuesve, ai që e ka organizuar gjithë këtë ka qenë shqiptari i vënë në pranga.

Ndaj 47-vjeçarit është vënë masa e arrestit shtëpiak, ndërsa shqiptari është në kërkim. /Syri.net/