Masakroi për vdekje pronarin e një dyqani, në burg Klismani

Gjykata e Korçës la në burg pa afat Klinsman Liken, i cili pak ditë më parë akuzohet se rrahu për vdekje bashkëfshatarin e tij Besnik Bazelin.

Prokuroria, pasi paraqiti rrethanat e ngjarjes dhe provat që implikojnë Likën, në vrasjen e 44 vjeçarit, i kërkoi gjykatës, të vlerësojë si të ligjshëm arrestin në flagrancë dhe të caktojë si masë sigurimi, atë të “arrestit me burg”.

Mbrojtësi i të akuzuarit, kundërshtoi kërkesën e prokurorisë, duke i kërkuar gjykatës caktimin e masës së sigurisë arrest në shtëpi, duke aplikuar mbikëqyrjen elektronike.

Gjykata pranoi kërkesën e prokurorisë dhe la në burg 28 vjeçarin Klinsman Lika,i cili rrahu barbarisht me grushte, pronarin e një dyqani në fshatin Vreshtas, pasi ky e akuzonte për vjedhjen disa herë të dyqanit të tij.