Matteo Renzi për darkë në Shtëpinë e Bardhë, në tryezë me Obamën edhe Roberto Benigni

Kryeministri italian Matteo Renzi do të darkojë mbrëmjen e sotme në Shtëpinë e Bardhë, në darkën shtetërore me ftesë të presidentit amerikan Barack Obama.

Në darkën zyrtare mes Renzit dhe Obamës, do të jetë edhe fituesi i çmimit Oscar, aktori i famshëm Roberto Benigni si dhe 4 gra ekselente në fushat e tyre.

Pjesë e delegacionit italian që shoqëron Renzin është edhe kryetari i komunës së Lampeduzës, Giusi Nicolini, kampionja paralimpike e skermës Fabiola Gianotti dhe kuratorja e arkitekturës Moma di Ny, Paola Ontoneli.

Siç shkruajnë mediat italiane, darka shtetërore do të përgatitet nga guzhinieri i njohur amerikan Mario Batali, ndërsa do të perfomojë këngëtarja Gwen Stefani.

Darka zyrtare do të ndiqet nga takimi zyrtar i Renzit me Obamën mëngjesin e nesërm.

Vizita thuhet në një deklaratë të Shtëpisë së Bardhë, “do të jetë një mundësi për Shtetet e Bashkuara dhe Italinë për të festuar thellësinë dhe gjerësinë e marrëdhënieve të tyre si dhe shkëmbimin e pikëpamjeve mbi të ardhmen e Europës.”