‘Matura’, Nikolla u përgjigjet akuzave: S’keni pasur sy të shihnit dhe vesh të dëgjonit

TIRANE- Në fund të fazës së aplikimit për universitete publike, ministrja e Arsimit, Lindita Nikolla deklaroi se të gjithë studentët që do të ndjekin studimet e larta, janë aty në bazë të meritës.

Në një takim me mësues nga e gjithë Shqipëria, numri një i arsimit, i ka dhënë një përgjigje të gjithë maturantëve jo fitues dhe prindërve të tyre që kanë qenë të pakënaqur ndaj skemës së re të Maturës Shtetërore. Ajo theksoi se prej kohësh është akuzuar ajo dhe institucioni që drejton, ndërsa askush nuk ka pasur dëshirë që të dëgjojë dhe shoh të vërtetat bazuar në fakte. Sipas Nikollës, sistemi i vjetër pranonte maturantët në Universitete me një mesatare prej nën 6.

“Rruga për të standardizuar në rang ndërkombëtar nuk është kjo. Por mbetemi tek ajo formulë. Çfarë ndodhi? Sa ishte pesha e mesatares së gjimnazit? Vetëm 20 për qind për të zgjedhur universitetin. Rezultatet e provimeve, shkon në 70 për qind. Të gjithë i dinim ankesat nga maturantët dhe prindërit për formulën. Por, askush nuk kishte sy dhe vesh të dëgjonte. E llogariste kush e sa kushtonte kopja? A ka pasur transparencë? Asgjë. Terr total. Ka në këtë sallë që unë i njoh, vlerësues provimesh. Se para tri vitesh e vendoste kufirin ministri. Meritë-preferendca ishte një algoritëm dhe askush nuk shihte se çfarë ndodhte. Algoritmi vepronte, kompjuteri regjistronte ID. Qetësia ishte e siguruar, gjimnazistët të qartë, por ne ju sjellim disa skema abuzimi me meritën. Këto ditë jam akuzuar shumë, jemi akuzuar shumë. Por në ditët në vijim do tregojmë se si jemi transformuar.”, tha Nikolla.