Mavraj: Diego Costa më kërkoi numrin e telefonit

Mërgim Mavraj ka gjetur kohë të bëjë shkaka pas ndeshjes me Spanjën
Mavraj ka komentuar sherrin që ka pasur gjatë ndeshjes me Diogo Costan, kur Mavraj u pa duke i bërë me gisht që të mos fliste.

“Më kërkoi numrin e telefonit, dhe nuk ja dhashë”, ka thënë duke qeshur Mavraj. “I thash edhe se ne në Shqipëri nuk i respektojmë brazilianët që luajnë për Spanjën”, ka shtuar po me humor ai.

E kur është kthyer në seriozitet, Mavraj ka thënë se probleme të tilla mes një sulmuesi e një mbrojtësi ka gjithmonë në një ndeshje të tillë futbolli.