Mbrëmë në Bilisht, hajduti përleshet me të zotin e shtëpisë

Mbrëmë, në orën 23:00 në Bilisht, një hajdut ka hyrë në shtëpinë e 32-vjeçarit G.SH duke e goditur kryefamiljarin e saj. Pasi e ka qëlluar në kokë me ç’i ka ardhur për duarsh, hajduti ia ka mbathur me shpejtësi.

Por, policia e ka pikasur dhe është vënë në ndjekje të tij duke zbuluar se hajduti ishte një 44-vjeçar nga Bilishti, i dënuar më parë për vjedhje, Vasil Kello.

Këtë radhë, Kello përfundon në burg me një akuzë tjetër më të rëndë: “Vjedhje me dhunë, ngelur në tentativë”, parashikuar nga nenet 139 e 22 të Kodit Penal.