Media australiane: E kush e dinte se Shqipëria ishte kaq e bukur!

Nuk kanë të ndalur mediat e huaja që e rendisin Shqipërinë mes destinacioneve që duhet vizituar patjetër e duket se bukuria bregdetare dhe malore e vendit tonë vazhdon të suprizojë turistët e huaj.

“News.com” , portali i njohur Australian e krahasiuar vijën bregdetare të vendit tonë me Spanjën dhe e ka renditur mes vendeve si India, trasnmeton syri.net, apo Bolivia, Kamboxhia, Bullgaria, Vjetnami dhe Laos.

“Nëse jeni duke kërkuar vende për turizëm dhe aventurë, por pa shpenzuar një mal me para atëherë, duhet të vizitoni një nga këto shtatë destinacione dhe kështu nuk do të‘ rrënoni bankën’, shkruan portali australian.

Shqipëria ka mbetur e pazbuluar nga turistët për shkak të kaluarës së regjimit komunist, thuhet në këtë medium.

Kush e ka vizituar Shqipërinë ka dalluar veçantinë dhe bukurinë e saj. Ky vend dallohet për plazhet me rërë, panoramat malore si dhe jetën e zhurme të natës që të fal kryeqyteti. Është një vend që promovon turizëm me çmime të ulëta dhe plazhet e saj shpesh janë ato që kanë qenë në Spanjën e 50 viteve më parë.