Meksikë, pastori abuzon me 8-vjeçaren në këmbim të 2 arkave me birrë

Një pastor është akuzuar për përdhunimin e një vajze 8 vjeç, në këmbim të 2 arkave me birrë për babanë e saj në një fshat të largët të Meksikës. Ish-kleriku 55-vjeçar u arrestua në fshatin Santiago Quetzalapa, rreth 300 milje larg Meksikos.

Ishin ankesat e familjarëve dhe e grupeve të të drejtave të njeriut që shtynë ndalimin e ish-klerikut. Zona në të cilën ka ndodhur ngjarja njihet si një vend i largët ku shpesh komunitetet drejtohen prej rregullave të vjetra e traditave, ndryshe nga ligjet e Meksikës.

Ndërkohë, Graciela Zabaleta, drejtuese e Shoqatës për të Drejtat e Njeriut “Mahatma Gandhi”, thotë se ka pasur raste edhe të shitjes së vajzave të vogla për një copë tokë, për para apo edhe për një gomar.