Melania Trump: Donald është zotëri, gratë po gënjejnë kundër tij

Melania Trump ka insistuar se burri i saj është një zotëri dhe se gratë të cilat e akuzojnë atë për sulme seksuale ndaj tyre, janë duke gënjyer.

Ajo, po ashtu ka thënë se komentet e turpshme që Donald Trump i kishte bërë për gratë, e të cilat ishin kapur në kamera, janë të papranueshme, duke shtuar se ajo nuk e përfaqësojnë njeriun që ajo e njeh, tranmseton Express.

I nominuari republikan për president të SHBA-së, megjithatë, është fajtor për “llafe burrash”, ka thënë ajo, duke shtuar se Trump ishte nxitur nga prezantuesi Billy Bush.

Publikimi i kasetës ku Trump dëgjohet duke u lavdëruar për atë se si u ishte vardisur grave të martuara, ka bërë që shumë republikanë që mos e përkrahin më.

Që prej publikimit të saj, shumë gra kanë filluar ta akuzojnë Trumpin për sulm seksual.

Trump i mohon akuzat.

“E di që ai [Trump] i respekton gratë, por ai është duke e mbrojtur veten nga gënjeshtrat,” ka thënë zonja Trump në intervistë për CNN.

“I besoj burrit tim,” ka thënë ajo.

“Burri im është i këndshëm dhe zotëri. Ai kurrë nuk do të bënte një gjë të tillë,” ka thënë ajo.