Merr peng bashkëpunëtorin e fabrikës, prangoset mallakastrioti. Ja emrat

Pronari i një fabrike është vënë në pranga pasi akuzohet se ka mbajtur peng për disa orë bashkëpunëtorin e tij në këtë punë. Ngjarja ka ndodhur mbrëmjen e dy ditëve më parë dhe ka vazhduar deri në orët e para të ditës së djeshme.

Burime zyrtare nga policia thanë se, është vënë në pranga Bajram Pashaj, 60 vjeç, banues në fshatin Bejar, Mallakastër.

Ndalimi i këtij person i është bërë bërë sepse nga ora 19:00, deri në orën 01:00 të ditës së djeshme, në fshatin Bejar, Mallakastër, në ambientet e fabrikës së vajit në pronësi të tij, për shkak të disa mosmarrëveshjeve, ka mbajtur jashtë dëshirës 45-vjeçarin me inicialet P. V., banues në lagjen “Kastrioti” Fier.

Dosja i ka kaluar Prokurorisë së Fierit për veprat penale “Heqja e paligjshme e lirisë” dhe “Vetëgjyqësisë”.