Mimoza Hafizi i bie me ‘top’ Ramës: Reforma në universitete e nxori ‘djallin’ në dritë të diellit, duhej ta kishe dorëzuar mandatin

Mimoza Hafizi,  deputetja e sapolarguar nga Grupi i PS, ia ka kthyer përgjigjen nga Kuvendi, Kryeministrit Edi Rama, për injorimin që ai i bëri në një emision televiziv.

Hafizi, një pedagoge, e akuzoi Ramën që në fillim se po bën politikën e universiteteve private, se goditja që i ka dhënë arsimit, ka qënë më dinakja dhe në rastin e universiteteve, “djalli ka dalë dhe shkëlqen në dritën e diellit.”

Hafizi i bëri dallimin Ramës, duke e goditur në çështjen e kanabisit: Unë kam zgjedhur rrugën e dijes, tha Hafizi, ky është “përsheshi” im, kurse ju keni zgjedhur rrugën e dehjes nga kanabisi, që ka gjetur shesh e bën përshesh në qeverisjen tuaj.

Në përfundim, Hafizi iu drejtua Ramës edhe për çështjen e mandatit të saj: “Po të kishit dinjitet politik, ju duhej të kishin dorëzuar mandatin,” theksoi ajo.