Ministri gjerman: Refugjatët e shpëtuar në Mesdhe të kthehen në Afrikë

Refugjatët e shpëtuar në Mesdhe duhet të kthehen në Afrikën e Veriut. Kështu ka deklaruar ministri i Punëve të Brendshme të Gjermanisë, Tomas de Maiziere, i cili sot u takua me homologët e tij evropianë në Luksemburg.

Ministrat evropian duhet që në fokus të bisedimeve të kenë marrëveshjet për migrim, që nga momenti kur Mesdheu është kthyer në portën kryesore të hyrjes në mënyrë të paligjshme drejt Evropës.

“Kontingjenti i shpëtuar në Mesdhe duhet të transportohet në qendra strehimi të sigurta në Afrikën e Veriut”, u shpreh Maizière.