Misteri, gjendet një makinë e djegur, nisin hetimet

Një makinë është gjetur e djegur në rrugën e fshatit Gravë në Sarandë, ndërsa policia ka nisur hetimet në lidhje me zbardhjen e kësaj ngjarje. Dyshimet e para janë se makina mund të jetë përdorur në ndonjë ngjarje kriminale dhe më pas i është vënë flaka.

Makina mësohet se është gjetur rreth orës 09:30 të 3 ditëve më parë, në rrugën automobilistike Gravë–Merko, në fshatin Gravë, në vendin e quajtur “Kalaja”.

Aty është konstatuar e djegur plotësisht një mjet, me numër shasie VS ….

Policia thotë se po punohet për identifikimin e tipit të mjetit, pronarin dhe rrethanat e djegies.