Mjekja spanjolle lind bebe në moshën 62-vjeçare

Një mjeke spanjolle i ka injoruar kritikat gjithëkombëtare dhe ka lindur një foshnje të shëndetshme në moshën 62-vjeçare.

Lina Alvarez e ka lindur vajzën dy javë para kohës së përcaktuar për lindje, përmes prerjes cezariane, transmeton Express.

Ajo e ka pagëzuar atë me emrin e vet, Lina.

Ajo ka tre fëmijë dhe vjen nga Lugo, në veriperëndim të Spanjës.

Lina kishte pauzuar për 30 vjet, por filloi tretmanin e fertilitetit për të lindur më shumë fëmijë.

Shtatzënësia e saj ngjalli një debat të nxehtë në Spanjë për shkak të moshës.

Për më tepër, disa gjinekologë kishin thënë se një shtatzënësi e suksesshme për të ishte e pamundur, për çka edhe kishin refuzuar ta ndihmonin.

Por, Lina e ka lindur foshnjën me sukses, dhe ka thënë se ndjehet shumë e lumtur dhe se gjithçka ka shkuar mirë.

“Jam personi më i lumtur në planet. Gjithçka shkoi në mënyrë të përkryer,” tha ajo./Express/