Mrekulli në Mosul/ Momenti prekës kur shpëton e mitura: Mendova se s’do vinit kurrë!

“Mendova se nuk do të vinit kurrë’. Këto janë fjalët e para emocionuese të një vajze 10-vjeçare e cila është shpëtuar nga kthetrat e luftëtarëve barbarë të ISIS që vranë babanë e saj.

Kameramanët televizivë kanë regjistruar momentin kur Aysha, 10 vjeç, u shpëtua nga një njësi e armatosur e policisë ushtarake e cila është duke luftuar përkrahë ushtrisë irakene teksa aty luftojnë për të rimarrë territorin nga vrasësit e ISIS.

Fshati Kafer ku ajo jeton, 18 milje nga qyteti verior i Irakut, Mosul, ka qenë nën kontrollin e xhihadistëve islamikë që nga viti 2014.

Por, të enjten e kaluar pas disa ditësh sulme të pamëshirshme ajrore dhe luftimeve të ashpra, në fund çlirimi erdhi. Ajo dhe nëna e saj janë dërguar në fshatin e afërt të Qayyarah ku ushtarë të Ushtrisë irakiane janë parë të kujdesen për shpërnguljen e tyre.