Mundësia për të ‘prekur’ jetën e Prince

Shtëpia ku Prince ka jetuar dhe punuar që prej vitit 1988, në periferi të Minneapolis në SHBA, u hap të enjten për publikun, dhe do të qëndrojë e hapur deri në 14 tetor.

Këto ditë, shtëpia studio e këngëtarit i cili vdiq në prill në moshën 57 vjeçare, do të kthehet në një muze.

Biletat janë shitur në pak minuta. Në studion e tij janë tre salla regjistrimi, dy hapësira të mëdha për koncert, një sallë relaksi dhe dy salla të dedikuara kujtimeve dhe veshjeve të skenës.

Një pasuri e çmuar për mijëra fansa që nuk janë dorëzuar ende nga vdekja e yllit të popit. Për hapjen e një muzeu të qëndrueshëm në Paisley Park flitet prej kohësh, por për këshilltarët e komunës së Channhassen impakti i një iniciative të këtij lloji mund të ketë pasoja të rënda për qetësinë publike.

Llogaritet që muzeu mund të sjellë mijëra e mijëra vizitorë, një fluks i madh për zonën.

Ndërsa Fondi që kujdeset për trashëgiminë e Prince është në tratativa me Mall of America të Bloomington, gjithmonë në Minnesota, për të pritur në fillim të javës që vjen një ekspozitë me kujtime dhe me garderobën e Prince.