Agjencia franceze AFP: Përveç marijuanës, Shqipëria është vend tranzit i kokainës dhe heroinës afgane

Agjencia e lajmeve AFP në një reportazh të gjatë për Shqipërinë përshkruan fenomenin e kultivimit të kanabisit.

Agjencia franceze merr rastin e Ilirit, i cili është një prej shumë fermerëve të varfër të Shqipërisë i cili i është kushtuar rritjes së bimës së paligjshme.

“Unë nuk po bëj ndonjë krim, është dëshpërimi që më shtyu të kultivoj Kanabis” thotë ai. “Unë mezi mbijetoj” shton 50-vjeçari, duke u përpjekur të justifikojë arsyen e vendimmarrjes së tij pas kthimit si emigrant nga Greqia, i detyruar nga kriza e ekonomike atje.

Përveç marijuanës, agjencia franceze e lajmeve thotë se Shqipëria është shndërruar në një korridor kryesor tranziti për kokainën që vjen nga Amerika e Jugut dhe heroinën afgane, që kanë destinacion Evropën.