Ndodh edhe kështu! Djali denoncon vajzën për përndjekje

Në policinë e Tiranës një djalë ka denoncuar një rast shqetësimi nga një vajzë.
Mësohet se 31- vjeçari A.Sh., gjatë ditës së djeshme ka vajtur në Policinë e Tiranës dhe ka denoncuar para uniformave blu 22- vjeçaren E.S., me banim po në kryeqytet, se e ka shqetësuar me anë të telefonit në mënyrë të vazhdueshme.

Dyshohet se mes tyre mund te ketë pasur një lidhje dhe shqetësimet ndaj 31-vjeçarit kanë lindur pas ndarjes se tij nga vajza.

Duket se vajza nuk e ka përjetuar mirë ndarjen dhe për këtë arsye e ka shqetësuar vazhdimisht përmes telefonit.

Duke parë që situata po vinte e bëhej me e bezdisshme për djalin, ai ka vendosur që t’i drejtohet policisë.