Në kërkim të ‘ëndrrës angleze’, vuajtjet e 10 shqiptarëve në frigorifer

10 shqiptarë janë ndaluar mbrëmjen e së enjtes në portin e Rotterdamit në Holandë, gjatë një kontrolli të policisë ushtarake në një kamion-frigorifer që transportonte fruta.

Raportohet se shqiptarët, nga 19 deri në 37-vjeç, ishin fshehur mes frutave që do të transportoheshin me traget në Hull të Anglisë, shkruan Syri.net.

Burrat thanë se kishin shumë ftohë, citohet një nga agjentët nga mediat lokale, por shtoi se ata ishin në gjendje të mirë shëndetësore.

Ndërsa shoferi, një 27-vjeçar rumun është arrestuar me akuzën e trafikimit të qenieve njerëzore. /