Ngordhin 10.000 bretkosa, policia nis hetimet

Agjencia Mjedisore e Perusë është duke e hetuar ngordhjen e rreth 10 mijë bretkosave, trupat e të cilave janë gjetur në një lum në jug të vendit.

Ndërkohë, një grup mjedisor ka thënë se ndotja në Lumin Coata, është fajtori për ngordhjen e tyre, transmeton Express.

Sipas këtij grupi, qeveria e Perusë i ka injoruar thirrjet për ndërtimin e një fabrike për trajtimin e ujërave të zeza në këtë zonë.

Bretkosa e ujit të Liqenit Titicaca është një specie e rrezikuar që gjendet vetëm në liqenin e ujërave të ëmbla që ndahet nga Peru dhe Bolivia.