Një makinë me bombë vret 8 ushtarë ne Turqi

Një makinë me bombë në Turqi ka vrarë tetë ushtarë dhe ka plagosur pesë të tjerë në Turqinë juglindore të dielën, shkruan CNN, transmeton Syri.net.

Bomba shpërtheu në afërsi të stacionit policor në Hakkari, një qytet 77 km larg kufirit irakian, tha ushtria turke në një deklaratë.

Askush nuk e ka marrë përgjegjësinë për sulmin. Megjithatë, ushtria turke tha se PKK-ja ka rol në bombardim: “Këtë mëngjes, në orën 9:45, anëtarë të organizatës terroriste separatiste organizuan sulm,” tha ushtria.

Ushtria Turke ka nisur një operacion për të zbuluar se kush fshihet pas këtij sulmi.

PKK-ja, një nga armiqtë më të mëdhenj të Turqisë, thuhet se përfaqëson një nga grupet etnike më të madhe, kurdët, që përbëjnë rreth 20% të popullsisë së vendit.

Një proces paqeje u shpërbë vitin e kaluar, duke bërë që forcat turke të të vendosen në qytetet ku dominojnë kurdët, duke i ngulur dhe një gozhdë tjetër tensioneve.