Njihuni me 13-vjeçaren që është shefe policie dhe shpëton vajzat e vendit të saj

13-vjeçarja Pika Bhavani është e fokusuar në identifikimin e problemeve me të cilat ballafaqohen vajzat në vendin e saj në Indi dhe gjetjen e mënyrave për t’i zgjidhur ato. Dhe të hënën, përpjekjet e saj u shpërblyen me një mundësi unike, raporton syri.net: Që sot e tutje ajo do të drejtojë stacionin policor “Musheerabad në Hyderabad”, raporton “CNN”.

Edhe pse sapo erdhi në “pushtet” ajo udhëhoqi një seancë me oficerët ku i trajnoi për t’u përballur me raste kriminale që prekin gratë dhe vajzat.

“Unë u kam kërkuar atyre edhe disa këshilla –  thotë ajo -Për të ndalur krimet kundër vajzave ose për ti shpëtuar, policia duhet të jetë e ndjeshme.

Ajo thotë se policia ka një “pandjeshmëri” në mënyrën se si ata marrin deklaratat e viktimave femra.

“Shumë herë vetë policia u kërkon prindërve që të mos paraqesë një ankesë, duke përmendur arsye e stigmatizimit”

Pika Bhavani është mbështetur nga Vijaylakshmi Arora, drejtor i zhvillimit të OJQ-ve në Indi.