Noka tallet: Droga kapet në Itali, Rama e Tahiri bëjnë deklaratë për mediat

Ish-ministri i Brendshëm Flamur Noka se ka kursyar ironinë dhe talljen me pasardhësit e tij dhe kryeministrin e vendit për operacionet e përditshme antidrogë me Italinë:

“Sërish 700 kilogramë drogë nga Shqipëria në Itali! – shkruan Noka në rolin e të habiturit.- Po nga del vallë kjo drogë, se Rama e Tahiri thonë nuk ka më kanabis në vendin tonë?!

Droga çau detin, por pasi u kap në Itali, na del aksion i përbashkët! Po nëse është aksion i përbashkët, pse nuk ndalohet asnjëherë droga në Shqipëri, po gjithnjë në Itali?!

E vetmja meritë e Ramës e Tahirit është që kur droga kapet në brigjet fqinjë, këta të dy bëjnë një deklaratë për mediat.”?