Nuk i dha cigare, shqiptari ‘masakron’ austriakun

Një azilkërkues 17-vjeçar shqiptar nga Kosova, së bashku me disa bashkëkombës, kanë rrahur një 20-vjeçar austriak për një cigare.

Ngjarja ka ndodhur të shtunën e kaluar në Aurach am Hongar të Austrisë kur i riu nga Kosova, bashkë me shokët e tij, u zunë me të riun tjetër austriak në qendrën rekreative në Regau.

“Salzburg24” raporton se ngjarja ka nisur për një cigare. Kjo pasi, sipas dëshmitarëve, 17-vjeçari i kishte kërkuar një cigare austriakut, ndërsa ky i fundit kishte refuzuar t’ia jepte.

I dyshuari kryesor dyshohet ta ketë goditur vazhdimisht në fytyrë dhe në kokë austriakun me shumë forcë, teksa ky i fundit ishte shtrirë për tokë. Raportohet se i dëmtuari ka pësuar lëndime të rënda. 17-vjeçari është arrestuar.