Obama shpall gjendjen e jashtëzakonshme në Karolinën Veriore

Presidenti amerikan, Barak Obama shpalli gjendje të jashtëzakonshme në Karolinën veriore për shkak të katastrofës që shkaktoi uragani “Matthew”, deklaroi sot Shtëpia e Bardhë.

Tashmë të gjithë qytetarët të cilët janë goditur nga uragani në 10 qarqet e Karolinës Veriore do të mund të kërkojnë ndihmë financiare shtetërore.

Pothuajse gjysma e 21 viktimave të uraganit në SHBA janë në Karolinën veriore, ku pesë persona, gjithashtu konsiderohen të zhdukur.

Rreth 2.000 banorë të qytetit Lamberton janë të bllokuar në shtëpitë e tyre dhhe po kërkojnë ndihmë nga çatitë e shtëpive për shkak të vërshimeve të shkaktuara nga ujërat e lumit Lamber. Edhe në disa ditët në vijim priten vërshime në vendbanimet përgjatë rrjedhës së lumenjve Lamber, Kejp Fier, Njus dhe Tar.

Rreth 1,1 milion njerëz janë pa energji elektrike në shtetet e Florida, Xhorxhia, Virxhinia, Karolina veriore dhe Karolina Jugore.