OKB: Bombardimet në Aleppo janë një krim i përmasave historike

OKB ka dënuar ashpër sulmet dhe bombardimet mbi qytetin sirian të Aleppos, teksa shefi i mbrojtjes së të drejtave të njeriut i ka konsideruar ato si një krime të përmasave historike.Zyrtari i organizatës kërkoi ndër të tjera hetim për veprimet ushtarake të forcave të ndryshme në konfliktin e Sirisë si dhe gjykimin e tyre nga Gjykata Ndërkombëtare e Hagës.OKB i bëri thirrje edhe njëherë fuqive ndërkombëtare që të gjejnë gjyhën e përbashkët dhe t’i japin fund luftës.

Organizata e Kombeve të Bashkuara i ka cilësuar si krime të përmasave historike bobmardimet dhe sulmet mbi qytetin sirian të Aleppos.
Në një komunikatë për mediat, shefi i mbrojtes së të drejtave të njeriut pranë OKB-së, Zeid Ra’ad Al Hussein, u bëri edhe njëherë thirrje fuqive të mëdha që të gjejnë gjuhën e përbashkët me qëllim që t’i jepet fund konfliktit që ka përfshirë vendin prej më shumë se pesë vitesh e gjysmë.
Më tej, Al Hussein kërkoi gjithashtu që veprimet e ndërmarra nga ushtritë e ndryshme në Siri të hetohen dhe të gjykohen nga Gjykata Ndërkombëtare e Krimeve të luftës në Hagë.

Aktualisht në Aleppo është vendosur një armëpushim 4-ditor, teksa për 11 orë në ditë ushtria ruse dhe ajo siriane nuk do të sulmojnë me qëllim që t’u japin mundësi qytetarëve për t’u larguar, ndërkohë që rebelëve u është bërë thirrje për dorëzim.
Megjithatë, përgjatë javëve të fundit në këtë rajon bombardimet ishin intensifikuar, ndërkohë që kishte raportime për viktima nga rradhët e civilëve.

Vendet perëndimore kanë akuzuar vazhdimisht Rusinë për veprimet e saj ushtarake në Lindjen e Mesme, ndonëse Moska i ka mohuar akuzat duke i cilësuar si të pabaza.
Kancelarja gjermane, Angela Merkel si dhe Presidenti Fransua Hollande, më herët paralajmëruan shtimin e sanksioneve për Rusinë, por pas samitit dy-ditor të Brukselit, palët nuk mbajtën një qëndrim të unifikuar mbi këtë çështje.

Aktualisht në Siri janë afro 250.000 banorë, prej të cilëve 100.000 janë fëmijë.
OKB por edhe organizatat e tjera humanitare kanë dhënë alarmin se shumica prej tyre vijojnë të jetojnë prej vitesh në kushte ekstreme, me rezerva të pakta uji, ushqimesh dhe medikamentesh.