OKB-JA USHQEN TËRË BOTËN ME BUKË, ME LIRI DHE ME PAQE

Shkruan: Prof. Dr. Mehdi Hyseni

Barometri diplomatik

*** Prandaj, debakli i Vuk Jeremiqit në Këshillin e Sigurimit të Kombeve të Bashkuara, duhet të jetë leksion i dobishëm për Serbinë, që, njëherë e përgjithmonë të skapullohet nga hegjemonizmi dhe militarizmi shekullor, nëse do të jetë anëtare e respektuar në Organizatën e Kombeve të Bashkuara, si dhe nëse do të aderojë në Bashkimin Evropian dhe në NATO. Ndryshe, perspektiva e saj, do të jetë e zezë dhe pa kurrfarë shprese sikurse këtu e 100 vjet më parë, duke e djegur dhe destabilizuar Ballkanin me luftrat, me agresionit dhe me gjenocidet e saj (1912-1999).

***S’ka më këngë raciste serbe nga selia e OKB-së: “Ko to kazhe, ko to lazhe, Srbija je mala, Marsh na Drini…”, “Kosovo je Srbija”, “KOSOVO WOULD JOIN THE UN OVER MY DEAD BODY”!!! e marrina të tjera, që nuk kanë asnjë ind të trupit të OKB-së. Duhet të jesh i krisur mbi 100%, të këndosh këngë të tilla nga foltorja e Asamblesë së Përgjithshme të OKB-së, sikurse që bëri Vuk Jeremiqi gjatë mandatit të tij njëvjeçar si kryesues i Asamblesë së Përgjithshme të OKB-së ( korrik 2012-korrik 2013).

-Racisti Vuk Jeremiq ( si “diplomat i hollë” serb, duhet ta dijë dhe ta kuptojë vëmendshëm e drejt, se Kombet e Bashkuara nuk janë kuvendi, as presidenca, as qeveria, as kisha e as akadmia e Serbisë, por “SOFRA” humane dhe paqësore e gjithë botës, të cilën nuk mund ta bëjë për vete dhe ta korruptojë as Serbia gjenocidale dhe asnjë shtet tjetër në botë, sepse misioni historik i saj është shpëtimi dhe ruajtja e mirëqenies së mbarë njerëzimit nga katastrofat dhe rreziqet e ndryshme qoftë natyrore apo njerëzore (1945-2016), jo të vrasë, të masakrojë, të terrorizojë dhe të shpërngulë kroatë, myslimanë boshnjakë dhe shqiptarë sikurse Serbia gjenocidale, gjatë viteve (1989-1999).

Urime z.Guterres!

Dje, më 5 tetor 2016 në Nju-Jork, Këshilli i Sigurimit të OKB-së, zgjodhi kandidatin më të mirë dhe më të merituar për postin e Sekretarit të Përgjishsrhëm të tij, portugezin Antonio Guterres. Urime z. Guterres, urime Portugalisë së tij, që ia arriti të ketë një personalitet të tillë të shquar në krye të Këshillit të Sigurimit të Kombeve të Bashkuara. Kjo është fitore e madhe e OKB-së dhe e Portugalisë në skenën ndërkombëtare.

Sot, më 6 tetor 2016, moszgjedhja e Vuk Jeremiqit sekretar i Përgjithshëm i Kombeve të Bashkuara, do të duhej të ishte “top news” në të gjitha masmediat ndërkombëtare, posaçërisht në ato shqiptare, sepse politika dhe diplomacia “ e reformuar me trabantë dhe me simpatizues të regjimit të Slobodan Milosheviqit” e Serbisë nuk ia arriti, që me kandidatin e saj racist Vuk Jeremiq, të “përbironte” në krye të OKB-së, kur dihet se kjo, gjatë viteve 1989-1999, zhvilloi tri luftëra agresive dhe gjenocidale kundër Kroacisë, Bosnjës dhe Kosovës. Ky është një leksion i merituar për serbomëdhenjtë, që sot, dhe në të ardhmen, të shkunden nga politika e luftës dhe nga hegjemonizmi për rizgjerimin e kufijve rritrorialë të Serbisë së Madhe, duke vrarë, maskaruar dhe pushtuar popujt e vendeve fqinje (Kroacia, Bosnja dhe Kosova).

Në historinë e saj të derisotme, kjo është fitorja më e madhe e OKB-së (1945-2016), sepse arriti, që ta shpëtojë dhe ta ruajë kredibilitetin e saj moral, human, ligjor, demokratik dhe paqësor, duke mos lejuar që në krye të saj, të vinte Serbia, e cila, ende është nën hipotekën e kryerjes së tri luftërave agresive dhe gjenocidale në Ballkan (kundër Kroacisë, Bosnjës dhe Kosovës, gjatë viteve 1989-1999).

S’ka dyshim se, ky është lajm historik botëror për vitin 2016, sepse OKB-ja i dha shuplakë të merituar racistit serb Vuk Jeremiq (ish-ministër i Jashtëm i Serbisë dhe ish-kryetar njëvjeçar i Asamblesë së Përgjithshme të OKB-së), duke mos e zgjedhur për sekretar të Përgjithshëm të Këshillit të Sigurimit të Kombeve të Bashkuara.

-“Me keqardhje”, më, as në krye të Asablesë së Përgjithshme e as në krye të Këshillit të Sigurimit të OKB-së, nuk do të kakariset “gjel kokoti” alias Vuk Jeremiqi i Serbisë gjenocidale të Slobodan Milosheviqit me këngët e tij kërënuese raciste: “Ko to kazhe, ko to lazhe, Srbija je mala”, “Marsh na Drini”, “Vetëm mbi trupin tim të vdekur, Kosova do të bëhet anëtare e OKB-së” dhe se “NATO-ja është agresor” mbase një bagazh i tillë i nacionalshovinizmit, i urrejtjes dhe i racizmit serbomadh nuk kaloi në mbledhjen e 5 tetorit 2016 në Nju-Jork duke qenëse 15 anëtarët e Këshillit të Sigurimit të Kombeve të Bashkuara nuk e votuan Vuk Jeremiqin për sekretar të Përgjithshëm të Këshillit të Sigurimit të OKB-së. Në vend të tij e zgjodhën portugezin Antonio Guterres përfaqësues i Portugalisë ( dy mandate: 1995-2003 ish-kryeministër i sukseshëm i Portugalisë dhe, qe dhjetë vjet: 2000-2015, Komesar i Lartë i Komisariatit të Lartë të Kombeve të Bashkuara për Refugjatë).

Thënë të vërtetën, edhe për mua (si viktimë e terrorit dhe e gjenocidit të Serbisë së Slobodan Milosheviqit), mosvotimi i Vuk Jeremiqit nga Këshilli i Sigurimit, që të mos zgjedhej sekretar i Përgjithshëm është lajmi më i gëzueshëm pas bombardimit të Serbisë agresore dhe gjenocidale nga ana e NATO-s (24 mars 1999) dhe pas njohjes së pavarësisë Kosovës më 17 shkurt 2008 nga ana Amerikës dhe e aleatëve të saj evro-perëndimorë, të cilët deri më sot i pasuan edhe më se 100 shtete të tjera të OKB-së, duke e njohur Republikën e Kosovës (2008-2016).

Moszgjedhja e Vuk Jeremiqit për sekretar të Përgjthshëm të KS të OKB-së, është fitorja më e madhe e Kombeve të Bashkuara, sepse në këtë mënyrë ia arritën, që të davarisin dyshimin se OKB-ja “ka devijuar” nga misioni i saj paqësor me karakter të përbotshëm.

Mosvotimi i Vuk Jeremiqit ( i cili së bashku me krerët e Kishës Ortodokse Serbe, NATO-n e ka cilësuar “ agresor”, Amerikën “satana”, UÇK-në “terroriste” dhe Kosovën “Jerusalemi serb”, duke u betuar se “Vetëm mbi trupin tim të vdekur, Kosova do të bëhet anëtare e OKB-së”), është mesazhi më human, më i fuqishëm, më racional, më përmbajtësor, më domethënës dhe më paqësor drejtuar të gjithë jeremiqve të Serbisë, se misioni, roli, objektivat dhe parimet e OKB-së janë alfa dhe omega e luftës së saj paqësore kundër çdo shtypjeje, tiranie, diskriminimi, pabarazie ,dhune, torture, terrori, spastrimi etnk dhe gjenocidi, që të gjitha këto janë mohimi i të drejtave dhe lirive të njeriut, si dhe të së jetës.

Çfarë ka pritur racisti Vuk Jeremiq, se me gjithë këto akuza dhe parulla raciste dhe armiqësore anti-merikane, anti-NATO dhe antishqiptare raciste dhe nacionalshoviniste, do të mashtronte Ban Ki Moon-in dhe Këshillin e Sigurimit, se ai, dhe Serbia e tij “janë paqësorë dhe demokratë” ndaj, edhe e “meritojnë”, që ta drejtonin “timonin” e OKB-së?!

-Jo, jo, kjo nuk ka për të ndodhur kurrë në OKB, sepse ajo është e gjithë botës demorkatike dhe paqësore, jo vetëm e Serbisë, që me çdo kusht po lufton, t’ia imponojë ligjet dhe kushtetutën e saj (2006) në mënyrë që të spekulojë me statusin e Republikës së Kosovës, duke e konsideruar si “pjesë të Serbisë”, e cila prerazi nuk po e njeh Republikën e pavarur të Kosovës (2008-2016). Kjo do të thotë se Serbia po do luftë që të rikthejë Kosovën nën sovranitetin e saj kolonial (1912-1999). Nryshe, deri tani (2008-2016), në mënyrë paqësore, do ta kishte njohur pavarësinë e Kosovës.

Sa më sipër, vendimi i 15 anëtarëve të Këshillit të Sigurimit me Ban Ki Moon-in në krye (i dale nga mbledhja e 5 tetorit 2016), që Vuk Jeremiqi, të mos zgjedhej sekretar i Përgjithshëm i OKB-së, është i drejtë dhe i peshuar ngase përligj vlerat themelore të OKB-së dhe të rendit juridik pozitiv ndërkombëtar në favorin e ruajtjes dhe të mbrojtjes së sigurisë dhe të paqes në dimensione botërore.