Opozita në Australi e bllokon votimin e ligjit që lejon martesat e gjinisë së njëjtë

Deputetët opozitarë në Parlamentin e Australisë kanë thënë sot se do ta bllokojnë planin e kryeministrit të vendit për të mbajtur votim gjithëkombëtar për legalizimin e martesave të gjinisë së njëjtë.
Kryeministri i Australisë, Malcolm Turnbull, ka premtuar se do ta çojë përpara këtë çështje në votim jo të detyrueshëm, apo plebishit, vitin e ardhshëm, transmeton Express.

Por, kritikët, përfshirë, shumë përkrahës të martesave të gjinisë së njëjtë, thonë se Parlamenti duket që vetë ta marrë këtë vendim.
Ata thonë se plebishiti do të kushtojë shumë para dhe bart rrezikun e retorikave homofobike.
Parlamenti do të votojë nëse duhet të mbahet plebishiti, por pa përkrahjen e opozitës dhe anëtarëve të pavarur, ka pak mundësi të kalojë senatin.