PAA mbledh Konventën Kombëtare, Duka: Do të fitojmë në Kolonjë. Mos ik, ti vlen, Shqipëria është e jona

Partia Agrare Ambientaliste e drejtuar nga Agron Duka ka mbajtur sot Konvetën Kombëtare të saj në Tiranë.

Duka ka shpalosur programin dhe objektivat e kësaj partie, që siç theksoi, dëshiron të jetë e hapur dhe ka dëshmuar se ka arritur të mbledhë rreth vetes, të majtë e të djathtë  dhe të përfaqësohet me grupin e vet parlamentar në zgjedhjet e ardhshme.

Gjatë fjalës së tij kryetari i PAA-së Agron Duka është shprehur i sigurtë në fitoren e kandidatit të opozitës në zgjedhjet lokale në Kolonjë, Dritan Hajro.

Ai ka shtuar se gara e tyre politike do të jetë e ndershme dhe e pastër.

“Partia Agrare Ambientaliste ka  dhënë një kontribut  historik në jetën politike të vendit”, është shprehur kreu i PAA, Agron Duka..

Sipas tij, programi i PAA ka në fokus mbështetjen ndaj bujqësisë dhe se do i thonë “Jo” Varfërisë.

Duka i dërgoi një mesazh qytetarëve shqiptarë duke thënë: “Sot vlen më shumë se kurrë thirrja “Mos ik, ti vlen për vendin tënd, Shqipëria është e jona!”