Paralajmërimi i Obamas: Vetë demokracia rrezikohet në këto zgjedhje

Është vetë demokracia që rrezikohet në zgjedhjet presidenciale amerikane të 8 nëntorit, paralajmëroi presidenti në ikje, Barack Obama, gjatë një mbledhje në mbështetje të kandidates demokrate Hillary Clinton.

Duke drejtuar akuza të ashpra kundër kandidatit republikan, Donald Trump, ai theksoi se “të gjitha progreset e bëra deri tani janë në lojë në këto zgjedhje”.

“Vetë demokracia është në lojë në këto zgjedhje”, tha ai.

“Mënyra e jetesës është në lojë në këtë zgjedhje. Toleranca është në lojë. Mirësjellja është në lojë. Ndershmëria është në lojë. Barazia është në lojë. Dashamirësia është në lojë”, vazhdoi Obama.

Që prej publikimit më 7 tetor të një videoje në të cilën miliarderi republikan bën deklarata degraduese ndaj femrave dhe që ka goditur fushatën e tij, shumë gra kanë dëshmuar se janë sulmuar seksualisht nga Donald Trump.