Parandalohet vrasja me armë, një i arrestuar. Ja emri

Një vrasje është parandaluar mëngjesin e sotëm në Tiranë dhe në pranga është vënë një 50-vjeçar. Siç bën të ditur policia e kryeqytetit i arrestuari është Bajram Islami, 50 vjeç, banues në Tiranë.

Ka qenë një telefonate të ardhur në Sallën e Policisë së Tiranë, tek numri 112, ku qytetari M. P., njoftoi se Bajram Islami, po e kërcënonte se do e vriste me armë zjarri.

Menjëherë janë dërguar shërbimet e Komisariatit të Policisë Nr. 3 dhe Shqiponjat, të cilët bënë të mundur neutralizimin dhe arrestimin e personit si  dhe sekuestruan në cilësinë e provës materiale:

Një armë zjarri tip pistoletë model 54, me një krëhër.

Materialet procedurale iu kaluan Prokurorisë së Tiranës, për veprat penale “Kanosja”, “Prishja e qetësisë publike” dhe “Prodhimi dhe mbajtja pa leje e armëve luftarake dhe e municionit”.