Parashikimi i motit, “mbretëron” shiu. Ulen temperaturat

Gjatë orëve të mëngjesit i gjithë vendi do të jetë në ndikimin e vranësirave dhe shirave të konsiderueshëm ku më problematike situata do të paraqitet në veri dhe qendër, pasi shirat do të jenë me intensitet mesatar dhe të lartë, herë pas here do të ketë edhe rrebeshe.

Pjesa e dytë e ditës do të vijojë me vranësira dhe shira por intensiteti i tyre do të jetë më i dobët, herë pas here do të ketë intervale me kthjellime. Në orët e mbrëmjes do të ketë pauzë të shirave për tu ri-kthyer sërish gjatë orëve të vona të natës.

Temperaturat e ajrit do të bien lehtë në orët e mëngjesit por mesdita do të sjellë rënie më të ndjeshme të temperaturave në të gjithë vendin.

Era do të fryjë mesatare në tokë dhe e fortë në det me shpejtësi maksimale deri në 50 km/h nga drejtimi Jugperëndimor, për pasojë deti do të gjenerojë dallgëzim 5 ballë./tvklan.al