Partizani shkarkon trajnerin Sormani, Starova i zë vendin

Klubi i Partizanit ka shkarkuar nga detyra trajnerin Adolofo Sermani.
Shkak i marrjes së këtij vendimi kanë qenë rezultatet e dobëta. Nëpërmjet një njoftimi në faqen zyrtare të Facebook, Partizani njoftoi për largimin e tij.

“Klubi njofton se Adolfo Sormani ka ndërprerë aventurën me të kuqtë. Traineri Italian nga sot nuk do të jetë më në drejtimin e 15 –të herë kampionëve të vendit. Palët kanë gjetur gjuhën e përbashkët duke ndërprerë më mirkuptim bashkëpunimin mes tyre” shkruhet në njoftim.
Vendin e trajnerit italian, do ta zërë Sulejman Starova, i cili këtë vit ka qenë këshilltar i Presidentit Demi.

“Në krye të ekipit emërohet Sulejman Starova, i cili do të drejtojë sot edhe seancën e radhës stërvitore e cila do të zhvillohet në orën 14:30 në Kompleksin Sportiv “Tirana Internacional” shkruhet më tej në njoftim.