Pas dëmtimin, rikthehet “ylli” i Kombëtares

Mesfushori i Kombëtares shqiptare, Amir Abrashi ka lënë pas krahëve dëmtimin që pësoi në kokë gjatë seancës stërvitore me klubin gjerman të Freiburgut.

Pas disa ditësh pushimi, Arbrashi tashmë është rikthyer në stërvitje për të qenë në dispozicion të trajnerit Christian Streich i cili po zhvillon përgatitjet e fundit pasi të shtunën Freiburg do ta luajë kundër Augsburgut.

“Abrashi është bashkuar me skuadrën në seancat stërvitore të ditës së martë dhe të mërkurë dhe është gati për të zbritur në fushë”, ka konfirmuar gazeta “Kicker”.
Gjithashtu ky është edhe një lajm shumë i mirë për trajnerin kuqezi Ganni de Biasi i cili do ta ketë në dispozicion në ndeshjen e 12 nëntorit kundër Izraelit në “Loro Boriçi”.