Pas skandali seksual të Trumpit ‘Wikileaks’ publikon materiale private të Hillary Clinton

Pas skandalit te videos së djeshme të Donald Trump, ku shfaqej duke folur me gjuhë vulgare seksuale në përpjekje për të kryer marrdhënie seksuale me një grua të martuar, raporton “SYRI.net”, sot duket se ka qene radha e kundërshtares së tij demokrate, Hillary Clinton.

Transkriptet e fjalimeve private të Hillary Clinton janë bërë publike sot nga e famshmja “Wikileaks”.

Ekstraktet përfshijnë komentet në një ngjarje të sponsorizuar nga “Goldman Sachs” në tetor të vitit 2013, në të cilën zonja Clinton foli për nevojën e konsultimit me “Wall Street” gjatë reformës financiare.

Në një prej ekstrakteve demokratja thoshte se bankierët ishin më të aftë për të ndihmuar në reformimin e sektorit financiar amerikan.

Gjithashtu janë publikuar transkripte ku shkruhej se ajo favorizonte “tregtinë e hapur dhe pa kufij “.

Në një fjalim të paraqitur në një bankë braziliane në vitin 2013, Hillary foli mbi “ëndrrën” e saj për një treg të përbashkët tregtar.

Theksojmë se Donald Trump, ka thënë se dëshiron të rinegociojë marrëveshjet kryesore të tregtisë

“Wikiealks” i ka publikuar këto materiale pasi SHBA-ja akuzoi Rusinë për një sulm kibernetik ndaj organizatave politike për të ndikuar në zgjedhjet presidenciale.