Pëllumb Xhufi: Rama nuk ka lidhje me të majtën

A ka lidhje Edi Rama me të majtën? Profesori Pëllumb Xhufi, i ftuar në emisionin ‘Arena’ të Dritan Hilës në “Ora News”, tha se ai nuk ka lidhje personalisht me të majtën, duke shtuar se e drejtuesit e Partisë Socialiste janë munduar vazhdimisht të krijojnë një rreth të ngushtë pushteti për të sunduar.

“Familja e zotit Rama ka qenë familje e majtë në dijeninë time. Ai u bë i njohur politikisht me lëvizjet e para të dhjetorit me pozicionet e tij ekscentrike që në fillim me një qëndrim brutal me të kaluarën. Ishte mbrojtësi i idesë për të bërë një ndryshim të dhimbshëm jo të përshkallëzuar siç e kërkonin të gjithë”- tha ai.

Sipas tij, demokracia ka qenë aspirate e shumicës dërrmuese të popullit shqiptar.

“Trajektorja e Ramës ka qenë me shumë përthyerje. Duke parë Ramën të shpërngulur në kampin e majtë, nuk i jepja shumë kuptim. Gjithsesi, ai arriti. Kjo është përgjegjësi e atyre që kanë drejtuar Partinë Socialiste, të cilët kanë lejuar një parti me traditë por edhe me të ardhme duke qenë një vend i varfër. Ajo u struk, u mbyll në vetvete. Ata që e kanë drejtuar kanë krijuar të gjitha premisat që ta mbyllin partinë për të siguruar përjetësinë në krye të kësaj partie”.