Përdhunohet një përkthyese në kampin refugjat të “xhunglës”

Është përdhunuar një përkthyese nga tre burra afër kampit refugjat të “xhunglës” në Calais, Francë.

Përkthyesja, shtetase afgane nga Parisi, raportohet se u përdhunua gjersa shoqëruesi i saj mbahej nën kërcënimin e thikës, transmeton Express.

Prokurori në këtë rast, Pascal Marconville, ka thënë se përkthyesja po punonte me një gazetar në një dokumentar rreth fëmijëve të pashoqëruar refugjatë, kur tre burra afganë papritmas i sulmuan.

Afganët ishin të armatosur me thika, kur kryen krimin.