Përdhunon vajzën 10 muajshe të partneres, më pas e vret

Përdhunon dhe rreh për vdekje vajzën e partneres së tij vetëm 10 muajshe. Benjamin Ryan Taylor, është një 32- vjeçar amerikan i cili përfundoi në prangat e policisë së Cottageville, në Virginia të Shteteve të Bashkuara të Amerikës këtë të hënë, për shkak të dhunës së egër ndaj së voglës, Emmaleigh.

Nga hetimet e para siç raporton “Daily Mail”, nëna e së voglës, Amanda Adkins, ndodhej në shtëpi, kur i dashuri i saj përdhunoi dhe më tej rrahu për vdekje vajzën e saj.

Gruaja tha se u zgjua rreth orës 04.30 të mëngjesit dhe se dëgjoi disa zhurma, kur gjeti në dhomën tjetër vajzën e saj të vdekur në mes të një pellgu gjaku.

Pas kësaj Amanda, lajmëroi ndihmën e shpejtë e cila tentoi ta përmendte, por e mitura ndërroi jetë pak më vonë në spital, për shkak të dëmtimeve të marra.

Kur mbërriti në vendin e ngjarjes, policia zbuloi 32- vjeçarin duke u marrë me pastrimin e zonës së bërë pis, si pasojë e dhunës.

Nga rezultatet e autopsisë në trupin e së miturës, u zbulua se më parë Taylor e kishte përdhunuar të miturën e cila gjatë aktit kishte pësuar trauma në kokë.

Nga ana e tij, i riu mohon me ngulm akuzat e drejtuara ndaj tij, ndërsa thotë se në momentin që u kap ishte duke u marrë me pastrimin.