Pique tregon si e “zuri” Shakirën

Mbrojtësi i Barcelonës, Gerrard Pique, ka treguar se ka qenë fans i Shakirës para se ata të takoheshin.

Pique ka gjashtë vjet që është në lidhje me këngëtaren kolumbiane, dhe çifti bashkë kanë dy fëmijë.

Mirëpo ai thotë se kur ishte takuar për herë të parë me këngëtaren, kishte pasur një bisedë tejet të shkurtë me të.

“Jam takuar me Shakirën në Madrid, kur po përgatiteshim për Kupën e Botës në vitin 2010, pasi ajo ishte paraqitur në videon Waka-Waka”, ka thënë Pique, shkruan Goal, transmeton Klan Kosova.

“Gjithçka filloi kur ne ishim bashkë në Afrikën e Jugut dhe unë i shkruajta. Ajo tashmë ishte atje për shkak se kishte kënduar në ceremoninë hapëse, dhe e pyeta se si ishte koha në vendin ku po qëndronte”.

“Kjo është një pyetje tepër palidhje, dhe sigurisht përgjigjja ishte që unë të merrja ndonjë xhaketë me vete”.

Mirëpo Shakira s’e kishte lënë me kaq.

“Ajo filloi të më tregonte çdo ditë se si ishte koha, dhe erdhi një moment ku i thashë se duhet të dilnim bashkë pas finales së Kupës Botërore”.